What does it take to confront power truthfully when even one's own people cannot yet listen?
מה נדרש כדי לעמוד מול כוח באמת, כאשר אפילו בני עמך עדיין אינם יכולים לשמוע?
To read the promises of Exodus 6, the people's inability to hear, and Pharaoh's partial confession as three faces of confrontation, and to ask how honesty is sustained when words do not yet seem to work.
לקרוא את הבטחות שמות ו, את חוסר יכולתו של העם לשמוע ואת הודאתו החלקית של פרעה כשלושה פנים של עימות, ולשאול כיצד נשמרת כנות כאשר המילים עדיין אינן נראות פועלות.
The source sheetדף המקורות
לָכֵ֞ן אֱמֹ֥ר לִבְנֵֽי־יִשְׂרָאֵל֮ אֲנִ֣י אֲדֹנָי וְהוֹצֵאתִ֣י אֶתְכֶ֗ם מִתַּ֙חַת֙ סִבְלֹ֣ת מִצְרַ֔יִם וְהִצַּלְתִּ֥י אֶתְכֶ֖ם מֵעֲבֹדָתָ֑ם וְגָאַלְתִּ֤י אֶתְכֶם֙ בִּזְר֣וֹעַ נְטוּיָ֔ה וּבִשְׁפָטִ֖ים גְּדֹלִֽים׃
וְלָקַחְתִּ֨י אֶתְכֶ֥ם לִי֙ לְעָ֔ם וְהָיִ֥יתִי לָכֶ֖ם לֵֽאלֹהִ֑ים וִֽידַעְתֶּ֗ם כִּ֣י אֲנִ֤י אֲדֹנָי אֱלֹ֣הֵיכֶ֔ם הַמּוֹצִ֣יא אֶתְכֶ֔ם מִתַּ֖חַת סִבְל֥וֹת מִצְרָֽיִם׃
וְהֵבֵאתִ֤י אֶתְכֶם֙ אֶל־הָאָ֔רֶץ אֲשֶׁ֤ר נָשָׂ֙אתִי֙ אֶת־יָדִ֔י לָתֵ֣ת אֹתָ֔הּ לְאַבְרָהָ֥ם לְיִצְחָ֖ק וּֽלְיַעֲקֹ֑ב וְנָתַתִּ֨י אֹתָ֥הּ לָכֶ֛ם מוֹרָשָׁ֖ה אֲנִ֥י אֲדֹנָי׃Miqra according to the Masorah · CC-BY-SA
Source text as supplied for this edition; divine names follow its spelling.נוסח המקור כפי שנמסר למהדורה זו; השמות נכתבו לפי נוסח המהדורה.
וַיְדַבֵּ֥ר מֹשֶׁ֛ה כֵּ֖ן אֶל־בְּנֵ֣י יִשְׂרָאֵ֑ל וְלֹ֤א שָֽׁמְעוּ֙ אֶל־מֹשֶׁ֔ה מִקֹּ֣צֶר ר֔וּחַ וּמֵעֲבֹדָ֖ה קָשָֽׁה׃
וַיְדַבֵּ֥ר אֲדֹנָי אֶל־מֹשֶׁ֥ה לֵּאמֹֽר׃
בֹּ֣א דַבֵּ֔ר אֶל־פַּרְעֹ֖ה מֶ֣לֶךְ מִצְרָ֑יִם וִֽישַׁלַּ֥ח אֶת־בְּנֵֽי־יִשְׂרָאֵ֖ל מֵאַרְצֽוֹ׃
וַיְדַבֵּ֣ר מֹשֶׁ֔ה לִפְנֵ֥י אֲדֹנָי לֵאמֹ֑ר הֵ֤ן בְּנֵֽי־יִשְׂרָאֵל֙ לֹֽא־שָׁמְע֣וּ אֵלַ֔י וְאֵיךְ֙ יִשְׁמָעֵ֣נִי פַרְעֹ֔ה וַאֲנִ֖י עֲרַ֥ל שְׂפָתָֽיִם׃Miqra according to the Masorah · CC-BY-SA
Source text as supplied for this edition; divine names follow its spelling.נוסח המקור כפי שנמסר למהדורה זו; השמות נכתבו לפי נוסח המהדורה.
וַיִּשְׁלַ֣ח פַּרְעֹ֗ה וַיִּקְרָא֙ לְמֹשֶׁ֣ה וּֽלְאַהֲרֹ֔ן וַיֹּ֥אמֶר אֲלֵהֶ֖ם חָטָ֣אתִי הַפָּ֑עַם אֲדֹנָי הַצַּדִּ֔יק וַאֲנִ֥י וְעַמִּ֖י הָרְשָׁעִֽים׃
הַעְתִּ֙ירוּ֙ אֶל־אֲדֹנָי וְרַ֕ב מִֽהְיֹ֛ת קֹלֹ֥ת אֱלֹהִ֖ים וּבָרָ֑ד וַאֲשַׁלְּחָ֣ה אֶתְכֶ֔ם וְלֹ֥א תֹסִפ֖וּן לַעֲמֹֽד׃
וַיֹּ֤אמֶר אֵלָיו֙ מֹשֶׁ֔ה כְּצֵאתִי֙ אֶת־הָעִ֔יר אֶפְרֹ֥שׂ אֶת־כַּפַּ֖י אֶל־אֲדֹנָי הַקֹּל֣וֹת יֶחְדָּל֗וּן וְהַבָּרָד֙ לֹ֣א יִֽהְיֶה־ע֔וֹד לְמַ֣עַן תֵּדַ֔ע כִּ֥י לַאדֹנָי הָאָֽרֶץ׃
וְאַתָּ֖ה וַעֲבָדֶ֑יךָ יָדַ֕עְתִּי כִּ֚י טֶ֣רֶם תִּֽירְא֔וּן מִפְּנֵ֖י אֲדֹנָי אֱלֹהִֽים׃Miqra according to the Masorah · CC-BY-SA
Source text as supplied for this edition; divine names follow its spelling.נוסח המקור כפי שנמסר למהדורה זו; השמות נכתבו לפי נוסח המהדורה.